На 21.02.24 во Минхен се одржа средба на членовите на Комитетот за комерцијализација на интелектуалната сопственост (IPCC, IP Commercialization Committee), тело на Европскиот патентен институт (epi). Комитетот се состои од десет члена, експерти од областа. Со комитетот претседаваше Hans Blöche, а во работата учествуваше и проф. д-р Ѓорѓи Филипов. После воведнте точки и изборот на секретар на Комитетот (Anders Isaksson), се пристпи кон работа на точки кои се однесуваат на некои предлози на Европската Комисија, сместени во т.н., ЕУ патентен пакет со кој се предвидуваат и некои патентни функции во Европскиот завод за интелектуална сопственост (EUIPO), што е мало изненадување и на кое IPCC гледа со резерва. Беа разгледани и прашања од ЕПО практитките во однос на асигнацијата како еден од начините за комерцијализација на ИС, во однос на можнaтa новa директивa за принудни лиценци во областа на патентите од фармација, како и за советодавната поддршка од страна на членовите на epi кон микро-компаниите (фирми со годишен приход <2 мил.и евра). Беше разгледана и директивата на ЕУ за корпорациската одржливост, како и учеството на членовите на IPCC во обука на европските застапници во областа на комерцијализација на патентите. Во своите излагања Филипов говореше за методите на монетизација и комерцијализација, за евалузацијата на патеннтите пријави и за неопходноста од почитување на одредбите од Париската конвенција при доделување на лиценци, асигнации и воопшто при трансфер на технологија имајќи ја предвид подготвеноста на примачот на лиценца за задржување на квалитеот на производот или на услугата нудена од носителот на правото на ИС. Во работата на Комитетот учествуваше онлајн и претседателот на epi, Peter Thomsen.
Заседавањето на Комитетот за европски практити (European Patent Practice Committee, EPPC) траеше три дена (27-29.24) и содржеше три сесии: 1. Подготвителна сесија, во која членовите на ЕРРС ги разгледуваа детално точките од Агендата за средба со потпретседателот на Европскиот патентен завод, Steve Rowan и членовите на неговата делегација (седуммина останати директори); 2. Пленарна седница со Steve Rowan и делгацијата (околу 130 учесници, хибридно, онсајт и онлајн), одржување на две break-out session со членови на работните групи за механика и ИКТ и за групата на биофармација и хемија; и 3. Известувања од брeјк-аут средбите и заклучоци по секоја точка од агендата. Од страна на ЕРРС претседавашр, Christopher Mercer, а од ЕПО, Steve Rowan, а потоа Razik Menindjel. Во поздравната реч Роуван се осврна на приоритетите на ЕПЗ за 2024, за националностите на патентните испитувачи, за работата на Постојаниот советодавен комитет на ЕПО (SАСЕРО), за квалитетот, за соработката со СОИС и РСТ, за вкупниот број на пријави, направените пребарувања и испитувања , како и за бројот на доделени патенти, потребата од амандмани на правилниците за описот на пронајдоците,за департманот за испити и вклученоста на испитувачите, како и за малите и средните претпријатија и поволностите при поднесување патентни пријави. Од страна на останатите членови на делегацијата од ЕПЗ говореа: Ема Донабан за Акцискиот план за квалитетот во 2024, Никлас Мореј за жалбите во 2023, за временските позиции при пребарување, испитување и опозиционирање, Ане Редијк за канцеларијата на омбудсманот, како и за дополнителните пребарувања, точните цитирања на релевантни текстови и за неиспитувањата на одредени зависни патеннти барања, Хели Пилајама за забрзување на постапката на опозиција во случај на унијски патент во паралелна судска постапка. Во рамките на брејк-аоут сесијата за Биотехнологија и фармацеутика, со која претседавањше Мартин Вилминг, се говореше за соработката на Заводот за патенти и трговски марки на САД со Администрација за храна и лекови, клиничките испитувања на патентите, за медицинската и немидицинската примена на производите, како и патентирањето на нови видови растенија, додека на брејк-аоут сесијата за Хемија, Механика и ИКТ се говореше за параметрите и методите на мерење, големиот процеп во заштитата на пронајдоците во областа на вештачката интелегенција и проблемите и решенијата во случаевите на патенти во информатичко комуникациската технологија.
Во работата на пленарната седница и на брејк-аут сесијата за биотехнологија и фрмациска хемија активно учествуваше д-р Филипов, како претставник на МК во ЕППС, кој во повеќе дискусии: а) потенцираше дека сѐ уште се трага по дефиниција или по покусо објанување на тоа што се подразбира под квалитет на работа на еден завод за патенти (во случајов, Европскиот завод за патенти) и даде предлог како би можело да се најде решение за таа дилема, б) побара поширока елаборација за соработката на Европскиот патентен завод во рамките на големите пет заводи во светот (USPTO, CIPPA, JPO, KIPO & EPO), в) побара надминување на проблемите со испишувањето на секвенцните листи во фармацевтските пронајдоци и предложи мерки што да се направи во преоден период на адаптација на новиот стандард и г) го нагласи прашањето на употребата на ЕПО Смарт картичката за идентификација и можноста за дво-факторна аутентификација преки ЕПО мејл бокс не заборавајќи на инсистирањата на Унифицираниот патентен суд.
.jpg)
.jpg)
