Промоција на книгата “РАЗУМНИ СИЛИ” во Белград
25.10.2016
Во неделата на Саем на книгата во Белград, на ден 25 октомври 2016 г. во просториите на Друштвото на писатели во Србија (УКС) - Белград, се одржа промоција на книгата "Разумни сили", чиј автор е проф. д-р Ѓорѓи Филипов.
Промоцијата се одржа во присуство на повеќе од 50-ина љубители на книгата, писатели, книжевници, претставници на македонските иселеници во Р. Србија, пријатели и соработници на БЕРИН. Во промоцијата на книгата зедоа учество Радомир Андрич, Милован Стефановски, Виктор Б. Шеќеровски и Верка Михајлова, додека извадоци од книгата читаа Олгица Марковска (на македонски јазик) и Нина Симиќ (на српски јазик). По завршување на претставувањето на книгата, присутните имаа чест и задоволство да се дружат и да добијат автограм од авторот.
Книгата "Разумни сили" претставува втор дел од трилогијата на авторот ("Свеќа и светлина", "Разумни сили" и "Радиус на срцето"), во кои се објавени постови од личниот профил на авторот на Facebook со филозофско - духовна тематика. Преводот на книгата "Разумни сили" на српски, како и нејзиното објавување во Р. Србија се иницирани и потикнати од читатели во Србија. Истата книга беше изложена на два штанда на Саем на книгата во Белград 2016.
.jpg)
Четвртиот фестивал за игри имаше програма која се одвиваше во 3 хали и оваа година ги надмина сите досегашни изданија во поглед на бројот на земји, учесници, посетители, екипи и индивидуални играчи. Имено, 40000 посетители можеа да ги посетат 108-те штандови, десетте специјални арени, на кои се одвиваа игрите и турнирите во различни натпреварувачки дисциплини.
Како посебен дел од програмата беа неколкуте регионални премиери на нови верзии на компјутерски игри и хардверски поддршки кои беа претставени ексклузивноо на фестивалот. Индустријата за компјутерски игри, која беше најзабележителна на фестивалот, во светски рамки претставува најпрогресивниот дел од софтверската индустрија чиј број на корисници и сегменти е во постојан пораст, што секако неслучајно резултираше со присуство на сите големи светски брендови кои имаат интерес да бидат асоцирани со оваа публика.
Посебен акцент на 13-от по ред фестивал играше учеството на младите во научните експерименти преку презентацијата на нивните резултати постигнати во текот на годината но и преку забавно едукативни игри низ кои можеа да дојдат во допир со сите области на науката.
На работата на Советот претходеше семинар со назив „Постапки на повреда на право на Европски патент во Земјите од Европска Унија”.
Сепак, како главен настан во рамките на работата на советот беше излагањето на претседателот на Европската патентна организација, г-дин Антонио Кампинос, во врска со стратегискиот развоен план ЕПО 2023.
Како долгогодишни поддржувачи на овој настан, а со цел да ги охрабриме и да им се заблагодариме на младите иноватори кои со своите трудови придонесуваат за развојот на науката и индустријата во земјава, оваа година во жири комисијата учествуваше дипл.инж.Кристина Чачовска од Одделот за патенти на Агенцијата Берин, која ги оценуваше експонатите од двете изложби.
-Награда за најуспешен млад учесник на Макинова 2019, во категоријата на средношколци ја доби Орхан Багашов од Тетово, под менторство на Сабрие Алкин со иновацијата “Бионска рака”, робот-рака изработена со составување на поединечни делови изработени со 3Д печатење, која може да функционира како човечка рака, а чија примена освен во областа на медицината може да најде и во светот на компјутерските игри.
Наградата за најуспешен млад учесник на Еконова 2019, во категоријата средношколци ја понесе Миланчо Попоски од Прилеп, под менторство на професорот Горан Микулек, со иновацијата “Велосипедски безбедносен елек”, кој дава сигнал доколку се промени насоката на движење, односно ја има функцијата која ја имаат и трепкачите кај автомобилите. Оваа иновација може да најде примена во секојдневниот живот, да го олесни движењето на велосипедистите и придонесе за безбедноста кај сите учесници во сообраќајот.
Особено тешка задача беше да се направи избор и да се одлучи кој да биде награден за својот труд. Навистина сме позитивно изненадени од ентузијазмот, креативноста и трудот кои го покажаа младите учесници, а посебно ни е драго што изнаоѓаат начин за самостојно материјализирање на своите брилијантни идеи, со што го докажуваат големиот потенцијал кој го имаме во нашата земја, а лежи во младешката креативност.
.jpg)
